CDM Municipality
Related Articles
“Mosadi o swara thipa ka bogaleng”, se e bile molaetsa mogolo gotswa go ba moshate waga Mautlana ge babe ba amogela basadi ba Blouberg moletlong wa go keteka kgwedi ya basadi wo o bego o swaretswe motseng wa Boslaagte/ Ga-Mokobodi Masepaleng wa Blouberg ka di 22 August 2017.
E bile mokete wa kgoparara go basadi ba Blouberg Ward 22, ge babe ba fiwa tsebo le hlahlo ka ditaba tse dintsi tseo di amago basadi ka kakaretso. Diboledi tsa letsatsi dibe di etswa mafapheng a maphelo e lego baoki gotswa Klinic ya Ambergate, sephodisa sa ga Matlala, Masepala wa Selete wa Capicorn, Ofisi ya Premier le ba Public Works.
Sepekara sa Masepala wa Blouberg Cllr Maria Thamaga o boleletse go telele ka bohlokwa bja poledishano ka malapeng le mo metseng. “Ward 22 bjale k age ele ye ntswha mo Masepaleng w arena, re rata go bona o ena le tswelopelo mo go yona. Re nyaka basadi ba go ema ka maoto ba itirela. Mabati a Blouberg a bolegile go basadi ka moka bao ban ago le mananego a go tlisha diphetogo maphelong a bona”.
“Kgomo o tsoswa yeo e itsoshago, le rena bjalo ka masepala re nyaka batho ba go tsoga ba itirela. A re nyake go bona basadi ba sokola mola re le gona bjalo ka baetapele, rena le lerato lago thusha setshaba mme seo se ka kgonega ge basadi ba ipopa ngatana e tee gore gobe le tswelopele”.
Gotswa kantorong ya ga Premier Mme Zodwa o ile a bolela ka mosomo o mogolo wo o dirwago ke kantoro ya bona wa go sepedisha mananeo a go tsamaishana le tsa basadi.
Mooki gotswa Klinik ya Amburgate Sister Matlalao ile a swara tabakgolo gotsa maphelo kudu a lebeletse mehota ya go fapana ya kankere bjalo kaya letswele (breast cancer) le molomo wa popelo (cervic cancer). Yena o ile a bontsha gore dika tsa kankere ya popelo ke dife, di hlolwa ke eng, di swara kudu batho ba mohota mang le gore e ka thibelwa bjang.
Ge a leboga bao ba tlilego moletlong Cllr Makgalemele Makhura o bonsthitse bohlokwa bja letsatsi le le melokoloko ya meketeko ya kgwedi ya basadi ka kakaretso. O lebogole thekgo yeo basadi ba Ward 22 ba e bontshitsego Masepala wa Blouberg.
